Приус Центр Юбикабтай хамтран ажиллахаар боллоо

Такси үйлчилгээний хөгжлийг түүчээлэгч, соёлыг түгээгч Юбикабчууд такси үйлчилгээнд үйлчилдэг автомашинуудынхаа бүрэн бүтэн байдлыг даатгахаар 13 салбартай Сүлжээ Авто Засварын төв Приус Центртэй хамтран ажиллахаар боллоо.

Юбикаб нь такси үйлчилгээ эрхэлж буй жолооч нарынхаа харилцаа, хандлагыг сайжруулах, автомашинуудынхаа цэвэр цэмцгэр, бүрэн бүтэн байдлыг сайжруулах, жолооч нарынхаа нийгмийн асуудлуудыг ахиулахад ач холбогдол өгч ажилладаг байгууллагуудын нэг билээ. Иймд энэхүү хамтралын хүрээнд такси үйлчилгээнд явж буй автомашинууд улсын оношилгооноос гадна явах эд ангийн оношилгоонд давхар орж, автомашиндаа шаардлагатай засвар үйлчилгээ, тос тосолгоог цагт нь хийлгэж, хэрэглэгч нартаа эвдрэлгүй, бүрэн бүтэн, аюулгүй, тохь тухтай автомашинаар үйлчлэх боломж улам нэмэгджээ.
Хамтран ажиллагч Приус Центр нь Улаанбаатар хотод 13 салбартай бөгөөд приус болон хайбрид автомашины засвар үйлчилгээг цогцоор нь хийдэг, 200 гаруй мэргэжлийн инженер, механик, засварчидтай 13 жилийн хугацаанд үйл ажиллагаа явуулж буй байгууллага юм. Юбикабын жолооч нар Приус Центрээр үйлчлүүлэхдээ онцгой нөхцлөөр үйлчилгээ авах, үнийн хөнгөлөлт эдлэх, хэрэгцээтэй сэлбэгүүдээ захиалах зэрэг жолоочийн цолны эрэмбэ, идэвхитэй байдлаас шалтгаалан олон давуу тал, боломжуудыг эдлэх юм.

Иймд хэрэглэгч та бүхэн хэрэгтэй үедээ юбикаб аппликейшнаараа такси дуудаж, тох тухтай автомашинаар тав тухтай үйлчлүүлээрэй.