Приус Центр шилдэг ажилтнуудаа орон сууцны урьдчилгаа, аяллын эрхээр шагналаа

Улаанбаатар хотод 12 салбартай сүлжээ авто засварын төв Приус Центр нь шилдгийн шилдэг 4 ажилтнаа орон сууцны урьдчилгаа, 10 ажилтнаа Япон улсруу аялах эрхээр тус тус шагнажээ.

12 жилийн хугацаанд тасралтгүй үйл ажиллагаа явуулж буй Приус Центр нь жил бүр үйлчилгээнийхээ стандартаа сайжруулахыг зорьж, байгууллагадаа удирдлагын болон үйл ажиллагааны менежментийн тогтолцоог  хөгжүүлсээр байна.

Мөн ШУТИС, МСПКоллеж зэрэг мэргэжлийн автын инженер, механик, засварчин бэлтгэдэг сургуулиудтай тогтмол хамтран ажиллаж, залуу механик, инженерүүдэд туршлага хуримтлуулах, практик дээр дадлага хийхэд нь дэмжин ажилласаар байна.

Приус Центр нь 2023 онд приус маркийн автомашинуудын 35%-д нь засвар үйлчилгээ үзүүлсэн бөгөөд Япон моторын тос САКУРА брэндийн Монгол дах албан ёсны дистрьбютер болж, нэрийн бүтээгдэхүүн PRIOR брэндийг зах зээлд танилцуусан бахдам амжилттайгаар 2023 оныг үдэж байна.