Сүлжээ авто засварын төв ПРИУС ЦЕНТР-ээс жил бүр зохион байгуулдаг “УХААЛАГ ҮЙЛДЭЛ - БИДНИЙ ХЭВ МАЯГ” нийгмийн хариуцлагын кампанит ажил энэ жил ПРИУСТЭЙ АЛДАРТ ААВ-уудыг онцлон, 50 аавд ХОС ДУГУЙ бэлэглэхээр болжээ. Аянд оролцох аавуудыг ээжүүдийн тодорхойлох захидалд үндэслэн сонгох бөгөөд захидлыг дараах бүртгүүлэх холбоосоор дамжуулан илгээх юм байна.
Аянд оролцох аавуудад тавигдах шаардлага:
- 14-өөс доош насны 4 хүүхэдтэй
- Ээжүүдийн тодорхойлох захидал /ойрын хүний тодорхойлох захидлыг бүртгүүлэх холбоосоор дамжуулан илгээх/
- Бүртгэлийг үнэн зөв, зааврын дагуу нухацтай бөглөх
- Хэрвээ сонгогдсон тохиолдолд Приус Центрийн оффист хүрэлцэн ирж, нэгдсэн видео контентод оролцох боломжтой байх

Шалгаруулалт:
- Бүртгэл 12 сарын 6 - 12 сарын 15 хооронд явагдаж, 12 сарын 17-нд 50 аавыг сонгоно.
- Аавыг сонгохдоо тодорхойлох захидал болон хүүхдүүдээ хүргэдэг маршрутыг харгалзана. Тодорхойлох захидалд тухайн аавын 4 хүүхдээ өсгөж буй арга барилыг сайтар тусгах шаардлагатай.

Бүрэн Итгэл – Бидний Туршлага

Приус Центр

Сүлжээ авто засварын төв Приус Центр 2024 оны 12 сарын 29-ний өдөр хамт олныхоо БАЯРЫН ХУРАЛ-ыг зохион байгуулж, 2025 оноос эхлэн “GREEN SAVING” орон сууцжуулах хөтөлбөрийг хэрэгжүүлэхээ зарлалаа.

Тус хөтөлбөрийн зорилго нь ажилтан орон сууцны урьдчилгаа, хашаа байшин, хүүхдийн сургалтын төлбөр зэрэг өндөр дүнтэй худалдан авалтыг зээлээр биш хуримтлалаар шийдвэрлэхийг уриалж, ажилтны сар бүр хуримтлуулсан дүнгийн 50%-ийг байгууллага нэмж хуримтлуулан, нэмээд Монгол Банкны бодлогын хүүгээр өсгөх юм.

Ингэснээр ажилтан сард 400,000₮-ийг хадгалвал байгууллага 200,000₮-ийг нэмж хадгалан, нэмээд тухайн оны бодлогын хүүгээр өсгөснөөр ажилтан богино хугацаанд зорилтот дүнгээ хуримтлуулах боломж нээгдэж байна. Мөн хуримтлал нь бүрдэж эхэлсэн ажилтанг байгууллагын батлан даалтаар ипотекийн зээлийн очерт бүртгүүлэх банк хоорондын хамтын ажлыг эхлүүлэхээр төлөвлөжээ.  

Приус Центр нь 2024 онд 46 ажилтандаа Японоос үндсэн үнээр автомашин захиалах боломжийг олгож, ажилтан урьдчилгаа 30%-иа төлж, үлдсэн төлбөрийг байгууллагадаа хуваан төлж байна. Энэ нь ажилтанд ченжид төлөх нэмэлт төлбөрийг төлөхгүй, банк болон банк бус байгууллагад өндөр хүү төлөхгүй байх нөхцлийг бүрдүүлжээ.

Жил бүр 15-20 ажилтан Япон улсад аялах эрхээр шагнуулдаг уламжлал энэ онд мөн хэрэгжлээ.

2024 онд Приус Центрийн нийт ажилчдын 65% нь цалингаа нэмэгдүүлж, Приус Центрийн дундаж цалин хөдөлмөрийн зах зээлийн дундаж цалингаас 66%-иар өндөр байгаа тооцоо гарсан байна.

Приус Центрийн алсын хараа, үнэт зүйлсэд тусгагдсанаар Монгол залуус маань эх орондоо ажиллаж, амьдрах таатай нөхцлийг бүрдүүлсэн компани байх зорилтын хүрээнд дээрх ажлууд хэрэгжиж байна.

Приус Центрийн НОГООН ГЭР БҮЛИЙНХЭН-д шинэ оны баярын мэндийг дэвшүүлье.