2024 оны 6 сарын 20-нд Приус Центр нь Монгол Улсын “Стандарт Хэмжил Зүйн Газар”-аас  “ЧМТ-Шаардлага ISO9001:2015 стандарт”-ыг хэрэгжүүлэгч байгууллагад олгодог дэлхийн 104 оронд хүлээн зөвшөөрөгдсөн ГЭРЧИЛГЭЭ-г гардан авч ЧАНАРЫН ГЭР БҮЛД нэгдлээ. Ингэснээр авто засварын үйлчилгээ эрхэлдэг байгууллагууд дундаас чанарын менежментийн ISO9001:2015 стандартыг нэвтрүүлсэн анхны байгууллага боллоо.

Авто засварын оношилгоо, засвар үйлчилгээ, сэлбэг худалдаагаар тасралтгүй 13 жил үйл ажиллагаа явуулж буй Приус Центр нь хэрэглэгч, үйлчлүүлэгч, хамтрагч нартаа чанартай бүтээгдэхүүн, үйлчилгээг стандартын дагуу хүргэхээр 2019 оноос эхлэн ISO9001:2015 стандартыг нэвтрүүлэх төслийн багийг байгуулан,  4,5 жилийн хугацаанд үйл ажиллагаагаа сайжруулсаар 2024 оны 3-р сард Стандарт Хэмжил Зүйн Газрын ISO9001 стандартын баталгаажуулалт хийлгэн, өнөөдөр гэрчилгээгээ гардан авлаа.

Монгол улсын хууль тогтоомж, ОУ-ын стандартын дагуу HYBRID авто машины оношлогоо, засвар үйлчилгээг үзүүлэхдээ технологийн картыг боловсруулан, горимын дагуу засвар үйлчилгээнийхээ чанарыг  ахиулах, аль ч салбараар үйлчлүүлсэн ижил чанартай үйлчилгээ үзүүлэхийн тулд инженер засварчид, үйлчилгээний ажилтнуудынхаа мэдлэг ур чадвар, гүйцэтгэлийг тогтмол ахиулахад анхааран ажиллаж байна.
Олон улсын автын салбарт шинээр нэвтэрч буй сүүлийн үеийн тоног төхөөрөмж, багаж хэрэгслийг зах зээл дээр анхлан нэвтрүүлж, хэрэглэгч үйлчлүүлэгч нартаа олон улсын стандартын дагуу чанартай үйлчилгээ үзүүлэхээр мэрийн ажиллаж байна.
Приус Центр нь жил тутам 250,000 гаруй хэрэглэгч, үйлчлүүлэгч нарт авто засварын үйлчилгээ үзүүлдэг бөгөөд Приус Центрээр тогтмол үйлчлүүлдэг үнэнч хэрэглэгч, үйлчлүүлэгч нарын маань санал хүсэлт, зөв шаардлагын дагуу үйлчилгээний чанар, стандарт маань ахисаар байна. Приус Центрийг сонгон авто машиныхаа засвар үйлчилгээг хийлгэдэг үнэнч хэрэглэгч нартаа халуун талархал илэрхийлье.

Сүлжээ авто засварын төв Приус Центр 2024 оны 12 сарын 29-ний өдөр хамт олныхоо БАЯРЫН ХУРАЛ-ыг зохион байгуулж, 2025 оноос эхлэн “GREEN SAVING” орон сууцжуулах хөтөлбөрийг хэрэгжүүлэхээ зарлалаа.

Тус хөтөлбөрийн зорилго нь ажилтан орон сууцны урьдчилгаа, хашаа байшин, хүүхдийн сургалтын төлбөр зэрэг өндөр дүнтэй худалдан авалтыг зээлээр биш хуримтлалаар шийдвэрлэхийг уриалж, ажилтны сар бүр хуримтлуулсан дүнгийн 50%-ийг байгууллага нэмж хуримтлуулан, нэмээд Монгол Банкны бодлогын хүүгээр өсгөх юм.

Ингэснээр ажилтан сард 400,000₮-ийг хадгалвал байгууллага 200,000₮-ийг нэмж хадгалан, нэмээд тухайн оны бодлогын хүүгээр өсгөснөөр ажилтан богино хугацаанд зорилтот дүнгээ хуримтлуулах боломж нээгдэж байна. Мөн хуримтлал нь бүрдэж эхэлсэн ажилтанг байгууллагын батлан даалтаар ипотекийн зээлийн очерт бүртгүүлэх банк хоорондын хамтын ажлыг эхлүүлэхээр төлөвлөжээ.

Приус Центр нь 2024 онд 46 ажилтандаа Японоос үндсэн үнээр автомашин захиалах боломжийг олгож, ажилтан урьдчилгаа 30%-иа төлж, үлдсэн төлбөрийг байгууллагадаа хуваан төлж байна. Энэ нь ажилтанд ченжид төлөх нэмэлт төлбөрийг төлөхгүй, банк болон банк бус байгууллагад өндөр хүү төлөхгүй байх нөхцлийг бүрдүүлжээ.

Жил бүр 15-20 ажилтан Япон улсад аялах эрхээр шагнуулдаг уламжлал энэ онд мөн хэрэгжлээ.

2024 онд Приус Центрийн нийт ажилчдын 65% нь цалингаа нэмэгдүүлж, Приус Центрийн дундаж цалин хөдөлмөрийн зах зээлийн дундаж цалингаас 66%-иар өндөр байгаа тооцоо гарсан байна.

Приус Центрийн алсын хараа, үнэт зүйлсэд тусгагдсанаар Монгол залуус маань эх орондоо ажиллаж, амьдрах таатай нөхцлийг бүрдүүлсэн компани байх зорилтын хүрээнд дээрх ажлууд хэрэгжиж байна.

Приус Центрийн НОГООН ГЭР БҮЛИЙНХЭН-д шинэ оны баярын мэндийг дэвшүүлье.